«Реал» ярим ҳимоячиси Иско икки етакчи компаниялар ўртасида талаш бўлмоқда.
Marca хабарида ёзилишича, Adidas ва Nike фирмалари футболчи киядиган бутсалар таъминоти бўйича шартнома учун рақобатга киришди. Ушбу компаниялар Искога йилига 2 миллион евро тўлашга тайёр.
Мавсумни Мадрид клубида жуда кучли бошлаб, шунингдек, Испания терма жамоасида ҳам етакчига айланган ярим ҳимоячи бир қарорга келишига кўп вақт қолмади, зеро унинг Nike билан жорий шартномаси 2018 йилда ўз ниҳоясига етади.
Бу танлов орқали, Иско ўзининг юлдузли жамоадошлари сафини тўлдириши мумкин - Криштиану Роналду Nikeни тамсил қилса, Гарет Бэйл ва Серхио Рамос Adidas билан шартнома имзолашган.
