«Ювентус» клуби Италия чемпионатининг ушбу мавсумида кетма-кет тўртинчи ғалабага эришди. Туринликлар бугун «Сассуоло» меҳмони бўлишди ва 3:1 ҳисобида ғалаба қозонишди.

«Юве» сафида ўзининг 100-ўйинида майдонга тушган Пауло Дибала хет-трикка эришишга муваффақ бўлди. Аргентиналик футболчи баҳснинг 16, 49 ва 63-дақиқаларида ўз ҳисобига голлар ёзиб қўйди. Мезбонлар битта гол билан жавоб қайтара олишди.

"Интер" ва "Ювентус" клублари 12 очко билан А серия жадвалини бошқариб боришмоқда.

Италия А серияси, 4-тур
Сассуоло – Ювентус 1:3 (0:1)
Голлар: 0:1 – 16 Дибала, 0:2 – 49 Дибала, 1:2 – 51 Политано, 1:3 – 63 Дибала.
Сассуоло – Консильи, Летсхерт, Каннаваро, Аджапонг, Ачерби, Сенси, Маццителли (Данкан, 58), Политано (Рагуза, 64), Маньянелли (Матри, 78), Лирола, Фальчинелли.
Ювентус – Буффон, Ругани, Алекс Сандро, Лихтштайнер (Бардзальи, 72), Кьеллини, Куадрадо, Матюиди, Пьянич, Манжукич, Дибала (Бернардески, 85), Игуаин (Дуглас Коста, 78).
Огоҳлантиришлар: Алекс Сандро (31), Аджапонг (56), Бернардески (86).