Афсонавий бразилиялик футболчи Пеле Нью-Йоркдаги Жон Кеннеди аэропортида ногиронлик аравачасида кўриниш берди.
Футбол қироли аэропортдагиларга ўзининг дастхатлари ва совғалари билан улашди.
76 ёшли Пеле деярли бир йил олдин ҳассада юришни бошлаганди. 2015 йилда оёғида операция ўтказилган.
Пеле (Эдсон Арантис ду Насименту) расман ХХ асрнинг энг яхши футболчиси сифатида эътироф этилган. Бу соврин унга ФИФА комиссияси томонидан берилган.
Халқаро олимпия қўмитаси эса, уни ўтган асрнинг энг яхши спортчиси сифатида мукофотлаган.
Шунингдек, афсона уч марта Жаҳон чемпиони бўлган. Бу натижага ҳозирга қадар ҳеч қайси футболчи эриша олмаган.
