“Челси” клуби ҳимоячиси Гари Кэйхилл “Арсенал”га (0:0) қарши ўйин ҳақидаги фикрларини билдирди.

"Ўйиндан кўнглим тўлмади. Яхши, катта рақобатларга эга бўлган дерби. Вазиятлар кўп бўлмади. Жамоалар жуда тартибли ўйнашди.

Биринчи бўлимда биз кўпроқ тўп билан бўлдик ва вазиятлар яратишга ҳаракат қилдик. Натижа яхши эмас. "Арсенал" яхши ҳимояланди, уларнинг орқа чизиғини ёриб ўтиш жуда қийин бўлди.

Мен четлатиш борасида бирор гап айта олмайман, чунки вазиятни кўрмай қолдим. Луисга қизил карточкани бундан олдин қилган фоли учун беришди.

Биринчи турдаги мағлубиятдан сўнг, биз яхши кайфиятни сақлаб қолдик. Жамоа яхши натижалар учун курашмоқда. Энди очколар олиш ва олдинга интилиш керак", дейди Кейхилл.