“Реал” клуби голкипери Кейлор Навас “Реал Сосьедад” устидан қозонилган ғалаба (3:1) ҳусусида тўхталди.

"Биз жуда бахтиёрмиз. Яхшики, мухим бўлган уч очкони ишлаб олдик.Ўтган ўйинларда қандай хатоларга йўл қўйганимизни ўрганиб чиқдик. Бугун эса буларни тўғирладик.  “Реал” ўйинга бўлган муносабатини ўзгартирди.

Бэйл - жуда яхши футболчи, ҳар доим жамоага ёрдам беради. Одамларнинг танқидларига қарамай, у майдонда ҳаракат қилмоқда. Бугун эса у тақдирланди.

У профессионал ва биз қўллаётганимизни тушуниб турибди. Бэйл юқори даражали футболчи эканлигини исботлайди", - дейди дарвозабон.