Мадриднинг “Реал” клуби ҳимоячиси Даниэль Карвахаль ирқчиликда айбланмоқда.
Гап шундаки, Карвахаль Испания Ла-Лигасининг 3-тури доирасидан ўрин олган “Леванте”га қарши учрашув (1:1) нинг 66-дақиқасида рақиб ярим ҳимоячиси Хефферсон Лерма “маймун” дея ҳақоратлаган.
Бироқ ҳақоратли сўзларни учрашув ҳаками Алехандро Хосе Эрнандес эшитмасдан қолган, лекин Карвахалга қўпол ўйини учун сариқ карточка кўрсатган.
Маълум бўлишича, учрашувни бошқарган ҳакам ўйин қайдномасига мазкур ҳолатни ёзмаган. Испания Ла-Лигаси тартиб-интизом қўмитаси эса ўз-ўзидан ушбу воқеа юзасидан изланишларни бошлаб юборган.
Шунингдек, Хефферсон Лермага ўйиннинг сўнгги дақиқаларида Марсело томонидан қўполлик ишлатилди ва “қироллик клуби” футболчиси 89-дақиқада майдондан четлатилди.
