"Барселона" бош мураббийи Эрнесто Вальверде Испания Ла лигасининг 5-тури доирасида бўлиб ўтадиган "Эйбар"га қарши ўйин олдидан ўз фикрларини билдириб ўтди.

Рақиб ҳақида
«Эйбар»нинг ўйини услуби бизга тушунарли. Рақибимиз — жанговар жамоа. Улар сен ўз услубингда ўйнашга беришмайди, шунингдек, майдоннинг ўзингга тегишли қисмида эркин ҳаракат қилишга  имконият бермайди. Бундан ташқари, "Эйбар" яхши прессинг қўллайди. Бу эса бизга маълум муаммоларни яратади».

Ўйин фалсафаси ва футболчилар ротацияси ҳақида
«Бошланғич таркибдаги ўзгариш жамоанинг ўйин услуби ва ритмига таъсир кўрсатмаслиги керак. Бутун мавсумни фақат 11 нафар футболчи билан ўтказиб бўлмайди. Ротация керак. Бунинг устида ишлаш керак».

Усмон Дембеле ҳақида
«У ёш ўйинчи. Фаолияти давомида бундай қийинчиликларни енгиб ўтиши керак бўлади. Сафимизда унинг ўрнини босиши мумкин бўлган футболчилар бор. Масалан, Жерар Деулофеу, Алейш Видаль, Денис Суарес, Андре Гомеш. Бу футболчилар орасидан оптимал вариантни танлаб оламиз».