"Barselona" bosh murabbiyi Ernesto Valverde Ispaniya La ligasining 5-turi doirasida bo‘lib o‘tadigan "Eybar"ga qarshi o‘yin oldidan o‘z fikrlarini bildirib o‘tdi.

Raqib haqida
«Eybar»ning o‘yini uslubi bizga tushunarli. Raqibimiz — jangovar jamoa. Ular sen o‘z uslubingda o‘ynashga berishmaydi, shuningdek, maydonning o‘zingga tegishli qismida erkin harakat qilishga  imkoniyat bermaydi. Bundan tashqari, "Eybar" yaxshi pressing qo‘llaydi. Bu esa bizga ma’lum muammolarni yaratadi».

O‘yin falsafasi va futbolchilar rotasiyasi haqida
«Boshlang‘ich tarkibdagi o‘zgarish jamoaning o‘yin uslubi va ritmiga ta’sir ko‘rsatmasligi kerak. Butun mavsumni faqat 11 nafar futbolchi bilan o‘tkazib bo‘lmaydi. Rotasiya kerak. Buning ustida ishlash kerak».

Usmon Dembele haqida
«U yosh o‘yinchi. Faoliyati davomida bunday qiyinchiliklarni yengib o‘tishi kerak bo‘ladi. Safimizda uning o‘rnini bosishi mumkin bo‘lgan futbolchilar bor. Masalan, Jerar Deulofeu, Aleysh Vidal, Denis Suares, Andre Gomesh. Bu futbolchilar orasidan optimal variantni tanlab olamiz».