Туркманистон пойтахти Ашхобод шаҳрида V Ёпиқ иншоотлардаги Осиё ўйинлари давом этмоқда.

Мусобақанинг кечаги кунги баҳсларида спортчиларимиз 1 та олтин, 2 та кумуш ва 12 та бронза медални қўлга киритишди. Терма жамоамиздаги ягона олтин медални енгил атлетикачимиз Надия Дусанова қўлга киритди.

Медаллар жамғариш бўйича умумжамоа ҳисобида Ўзбекистон спорт делегацияси 3 та олтин, 5 та кумуш, 20 та бронза, жами 28 та медаль билан учинчи ўринни эгаллаб турибди.

Туркманистон терма жамоаси 29 та олтин, 21 та кумуш, 12 та бронза, жами 62 та медаль билан ҳозирча пешқадам. Эрон терма жамоаси 12 та медаль билан иккинчи ўринни банд этган. Улар ҳисобида 4 та олтин, 2 та кумуш, 6 та бронза медаль бор.