Turkmaniston poytaxti Ashxobod shahrida V Yopiq inshootlardagi Osiyo o‘yinlari davom etmoqda.

Musobaqaning kechagi kungi bahslarida sportchilarimiz 1 ta oltin, 2 ta kumush va 12 ta bronza medalni qo‘lga kiritishdi. Terma jamoamizdagi yagona oltin medalni yengil atletikachimiz Nadiya Dusanova qo‘lga kiritdi.

Medallar jamg‘arish bo‘yicha umumjamoa hisobida O‘zbekiston sport delegasiyasi 3 ta oltin, 5 ta kumush, 20 ta bronza, jami 28 ta medal bilan uchinchi o‘rinni egallab turibdi.

Turkmaniston terma jamoasi 29 ta oltin, 21 ta kumush, 12 ta bronza, jami 62 ta medal bilan hozircha peshqadam. Eron terma jamoasi 12 ta medal bilan ikkinchi o‘rinni band etgan. Ular hisobida 4 ta oltin, 2 ta kumush, 6 ta bronza medal bor.