Туркманистон пойтахтида давом этаётган усти ёпиқ иншоотлардаги Осиё Ўйинларида Ўзбекистон делегациясининг медаллари сони 42 тага етди. Бироқ олтинлар сони ўша-ўша — 3 та.
Шу тариқа умумжамоа ҳисобида Ўзбекистон термаси 6-ўринга тушиб кетди. Пешқадам 43 та олтин медали бор Туркманистон термасидир.
Эрон делегацияси 7 та, Қозоғистон 6 та, БАА 5 та ва Таиланд 4 та олтин медалга эга чиққан. Мўғулистон термасида ҳам Ўзбекистон каби 3 та олтин бор.
Аввалроқ МОҚ матбуот хизмати Ўзбекистон термаси бир қатор спорт турларида ўзининг иккинчи таркиби билан мусобақага йўл олгани ҳақида айтиб ўтганди.
