Turkmaniston poytaxtida davom etayotgan usti yopiq inshootlardagi Osiyo O‘yinlarida O‘zbekiston delegasiyasining medallari soni 42 taga yetdi. Biroq oltinlar soni o‘sha-o‘sha — 3 ta.
Shu tariqa umumjamoa hisobida O‘zbekiston termasi 6-o‘ringa tushib ketdi. Peshqadam 43 ta oltin medali bor Turkmaniston termasidir.
Eron delegasiyasi 7 ta, Qozog‘iston 6 ta, BAA 5 ta va Tailand 4 ta oltin medalga ega chiqqan. Mo‘g‘uliston termasida ham O‘zbekiston kabi 3 ta oltin bor.
Avvalroq MOQ matbuot xizmati O‘zbekiston termasi bir qator sport turlarida o‘zining ikkinchi tarkibi bilan musobaqaga yo‘l olgani haqida aytib o‘tgandi.
