Олий лига 22-турида “Шўртан” - “Навбаҳор” ўйини ўтказилди.
Ҳисоб 22-дақиқада очилди. Жамол Отақулов ўйин қоидасини бузганлиги учун жарима тўпи белгиланди. Ойбек Қиличевнинг стандартдан узатган тўпини Рўзимбой Аҳмедов боши билан дарвозага жойлаб қўйди - 0:1.
Майдон эгалари тез орада жавоб тўпини киритишга эришишди. Лазиз Убайдуллаевнинг тўп оширишидан қулай вазиятга чиқиб борган Игорь Таран аниқ зарба йўллашни уддасидан чиқди – 1:1.
Биринчи бўлим охирида “Шўртан” иккинчи голни уришга эришди. Асилбек Аманов жарима майдончаси ташқарисида тўпни қўли билан ўйнагани учун жарима зарбаси белгиланди. Уни тезкорлик билан ўйинга киритган мезбонлар иккинчи голни нишонлашди. Бу вазиятда Лазиз Убайдуллаев аниқ зарба йўллашни уддалади.
54-дақиқада мезбонлар учинчи голни урди. Игорь Таран бошлаган ҳужумни Сунатилла Мамадалиев давом эттириб, Жасур Холтўраевга имконият яратди. У икки нафар ҳимоячимиз орасида бўлишига қарамай аниқ зарба йўллашни уддалади – 3:1.
63-дақиқада ҳисоб қисқарди. Ойбек Қиличевнинг бурчакдан узатган тўпини Ғиёс Комилов боши билан дарвозага жойлаб қўйди.
Ўйин якунланиши арафасида "Навбаҳор" мағлубиятдан қутулиб қолди. Махсталиевнинг қанотдан узатган тўпини Рўзимбой Аҳмедов боши билан дарвозага йўллаб, ҳисобни тенглаштирди.
Олий лига, 22-тур
21 сентябрь. Ғузор. “Марказий” ўйингоҳ.
“Шўртан” - “Навбаҳор” - 3:3 (2:1)
Голлар: И.Таран (28), Л.Убайдуллаев (45), Ж.Холтўраев (53) – Р.Аҳмедов (22, 87), Ғ.Комилов (63).
Ҳакамлар: О.Толибжонов, Р.Серезетдинов, А.Буров, А.Шукруллаев.
Назоратчи – А.Абдуллаев.
ПФЛ вакили – А.Иноятов.
“Шўртан”: 25. Алибек Туробов, 4. Жамол Отақулов, 5. Ҳасанбой Эргашев, 7. Олимжон Каримов, 9. Игорь Таран (С), 12. Лазиз Убайдуллаев, 15. Обид Жўрабоев (19. Маъруф Муродов, 88), 18. Элдор Бойматов, 30. Жасур Холтўраев (99. Марадона Сафаров, 80), 38. Сунатилла Мамадалиев (17. Ғулом Раҳмонов, 67), 85. Руслан Мельзеддинов.
“Навбаҳор”: 30. Асилбек Аманов, 5. Ғиёс Комилов, 7. Ойбек Қиличев, 9. Дилшод Жабборов (70. Аббос Махсталиев, 55), 19. Мирзоҳид Ғофуров, 21. Аъзам Алиев, 22. Рўзимбой Аҳмедов, 24. Сардор Азимов (18. Дониёр Усмонов, 18), 32. Жаҳонгир Меҳмонов (84. Неманья Йованович, 56), 44. Дарко Станоевич, 77. Азизбек Турғунбоев.
Огоҳлантиришлар: Ж.Холтўраев (59) - А.Аманов (45).
