Футзал бўйича Ўзбекистон терма жамоаси Ашхободдаги мусобақанинг тўртинчи турида Хитой билан беллашди.
Илк турда БААни 5:1 ҳисобида таслим қилган Ўзбекистон иккинчи турда Мальдив оролларини 9:1 ҳисобида мағлуб этганди. Кеча Баҳодир Аҳмедов шогирдлари сенсацион тарзда Афғонистонга ютқазиб қўйишди - 2:4.
Хитой билан учрашувда 4:4 ҳисоби қайд этилди.
Ўзбекистон гуруҳ босқичида иккинчи ўринни банд этди ва А гуруҳида биринчи бўлган жамоага (Туркманистон ёки Вьетнам) қарши чорак финалда ўйнайди.
Ашхобод-2017
Ўзбекистон - Хитой 4:4
Голлар: Фарҳод Абдумавлонов 2, Илҳом Ҳамроев 11, Тимур Садиров 22, Феруз Фахриддинов 32 - Жианфа Зуанг 2, Янг Ксю 13, Юе Лу 23, 39.
Ўзбекистон (биринчи бешлик): Рустам Умаров, Дилшод Раҳматов, Фарҳод Абдумавлонов, Даврон Абдураҳмонов, Константин Свиридов
Захира: Анасхон Раҳматов, Машраб Одилов, Феруз Фаҳриддинов, Тимур Садиров, Илҳом Ҳамроев, Артур Юнусов, Даврон Чориев, Акмал Хазратқулов, Ҳусниддин Нишонов
