“Барселона” клуби ҳужумчиси Лионель Месси Испания чемпионатининг 5 турига келиб, 9 та гол уришга муваффақ бўлди.  “Реал” жамоаси ҳам мавсум бошидан бери 5 та турда худди шу кўрсаткични қайд этди.
 
“Қироллик клуби” чемпионат стартида “Депортиво” (3:0) ва “Сосьедад” (3:1) жамоаларини мағлубиятга учратди. “Валенсия” (2:2), “Леванте” (1:1) билан дурангга имзо чекди. Бугун ўртамиёна жамоа “Бетис”га ўз майдонида 0:1 ҳисобида имкониятни бой берди.
 
Месси эса “Эйбар”га қарши учрашув (6:1) да покер, “Эспаньол”га қарши учрашув (5:0) да хет-трик ва “Алавес”га қарши ўйин (2:0) ларда дубль муаллифига айланди.
 
Кўриниб турибдики, “Реал” футболчиларининг чемпионат бошидан қайд этаётган натижаларини биргина Мессининг ўзи амалга оширмоқда.
 
Бутун “Реал” футболчилари 9 та гол уришган бўлишса, Месси ҳам шундай кўрсаткичга эга. Демак, нимадир қилиш керак.
 
Айни пайтда “Барселона” 5-турдан сўнг умумжамоа ҳисобида 17 та гол уриб, 15 очко билан мусобақа жадвалида етакчи бўлиб турибди. “Реал” 8 очко билан 7-ўринда бормоқда.

Акмалхон Эшонхонов