“Бавария” клуби устози Карло Анчелотти ярим ҳимоячи Хамес Родригес ҳаракатларидан қониқаётганини айтиб ўтди. Италиялик мутахассис колумбиялик футболчидан умиди катта эканлигини ҳам таъкидлади.
“Родригеснинг ўйинидан очиғи ҳайратдаман. Бу сўзни бутун жамоа футболчиларига ҳам айтган бўлардим.
Бироқ футболда бошқалардан кўпроқ югуриш ва чин дилдан ғалабага ҳаракат қилиш керак бўлади. Мана шу жиҳат айнаен Хамесда бор”, - дейди Анчелотти.
Эслатиб ўтамиз, “Бавария” бугун ўз майдонида “Вольфсбург”га қарши майдонга тушади.
