«Ювентус» яримҳимоячиси Миралем Пьянич А серия 6-туридан ўрин олган «Торино»га қарши ўйиндан олдин ўз фикрини айтди.

«Турин дербисида 1:0 ҳисобида ғалаба қозонишимизни истардим. "Ювентус"га келиб, ғалаба қозониш қанчалик зўр эканини тушуниб етдим. Ҳар иккала жамоа ҳозирда тенг кучли, аммо биз ўз уйимизда ўйнаймиз.

Белоттининг товон пули 100 млн евро? Тўғри, у яхши ўйнамоқда, аммо 100 млн евро бу катта пул. Менимча, улар ошириб юборишган. Криштиану Роналду ҳам шунча туради, аммо у ҳар ўйинда 2-3 гол урмоқда.

100 млн еврога лойиқ икки футболчи бор - Криштиану Роналду ва Лео Месси. Бироқ, сўнгги пайтларда нархлар кўтарилиб кетди» - деди Пьянич.