"Манчестер Сити" бош мураббийи Пеп Гвардиола Жозе Моуриньонинг Англия лига кубоги ҳақидаги гапларига қўшилди.
"Англияда тақвим жуда оғир тузилган. Албатта, лига кубоги захирани синовдан ўтказиб олиш учун яхши турнир. Бироқ бунда кўп куч йўқотилади.
Тони Пьюлиснинг "Вест Бромвич"ига қарши ўйин ҳақида ўйлаб кўринг. 4 соат бориш, шунча вақт қайтиш. Уч кундан кейин "Кристал Пэлас"га қарши ўйин, шунингдек, "Шахтаёр" ҳам бизни кутиб турибди. Яна "Стемфорд Бриж"да ўйнаймиз.
Албатта, бу соврин. Агарда буни ютмасангиз, сизга катта иштиёқ бермайди. Бу турнир куч йўқотишга мажбур қилади, бироқ биз мураббийлар Англия клубларида ишлашдан олдин буни ҳам ўйлаб кўрганмиз. Агарда Лига кубогини ютиш керак бўлса, албатта буни бажарамиз", - дейди Гвардиола.
