Испания Ла лигаси 6-туридан ўрин олган "Жирона" - "Барселона" учрашуви якунига етди.

Кутилганидек учрашув, "Барселона" устунлигида ўтди ва унда каталониялик 3:0 ҳисобида йирик ғалабани қўлга киритишди.

17-дақиқада Мессининг бурчакдан узатган тўпини Хорди Альба дарвоза томон йўналтири, тўп "Жирона" футболчиси Адай Бенитес тегиб, дарвоза тўридан жой олди.

48-дақиқада Алеиш Видалнинг "Барселона"нинг иккинчи голини урди. Қизиқарлиси, иккинчи гол ҳам автогол сифатида қайд этилди ва дарвозабон Горка Ирайсос номига ёзилди.

Ўйиндаги сўнгги голни эса 69-дақиқада Луис Суарес киритди. Уругвайлик ҳужумчи гол уриш билан бирга ўзининг "Барселона" сафида 100-ўйинини ўтказди.

Учрашув ҳар икки жамоанинг хавфли ҳужумлари билан давом этиб турди, аммо кичик "Каталония дербиси"да бошқа гол кузатилмади ва шу тариқа "Барселон"" ўз ҳисобига яна уч очко қўшиб Испания чемпионатида етакчиликни мустаҳкамлаб олди.

"Жирона"– "Барселона" 0:3(0:1)

Голлар: 0:1 – 17, автогол Адай, 0:2 – 48, автогол Ирайсос, 0:3 – 69 Суарес.

Жирона - Ирайсос, Хуанпе, Эспиноса, Рамальо, Адай (Мохика, 69), Порту, Алейш Гарсия, Дуглас Луис, Понс, Маффео (Морено, 78), Олунга (Кайоде, 60).

Барселона - тер Стеген, Маскерано, Альба, Алеиш Видаль (Андре Гомеш, 81), Умтити, Серхи Роберто, Ракитич, Паулиньо (Бускетс, 67), Иньеста (Денис Суарес, 80), Месси, Суарес.

Огоҳлантиришлар: Маффео (23), Адай (41), Кайоде (83).