“Барселона” ҳимоячиси Хорди Альба “Жирона”га қарши учрашув (3:0) дан сўнг ўз фикрларини билдириб ўтди.

“Ўйин кутганимиздек фойдамизга ҳал бўлди. “Барселона” футболчилари Вальверде талаб қилаётган барча ишни бажаришмоқда.

Мураббий жамоани яхши бошқармоқда. Деярли барча футболчилар ўйин амалиётига эга бўлиб боришмоқда. Энг асосийси – биз унинг услубига тезда ўрганиб олдик.

Месси? Ҳа, унинг гол уришига имкон беришмади. Месси дуч келган футболчини ортда қолдириш учун етарли даражага эга футболчи. Тўп унга тушган вазиятда Мессини тўхтатиш осон бўлмайди”, – дейди Альба.