26 сентябрь куни олий лига 19-тур кечиктирилган учрашувида "Пахтакор" "Машъал" билан ўйнайди.

Беллашувни жамоамиздан Даврон Ҳошимов дисквалификация туфайли ўтказиб юборади. Муборакликлар сафида бундай йўқотиш мавжуд эмас.

Ҳозиргача олий лигада жамоалар 33 бор тўқнаш келишган. 22 ўйинда "Пахтакор", 5 учрашувда "Машъал" зафар қучган. 6 баҳс дуранг билан якунланган. Рақиб дарвозаси 62 марта ишғол этилиб, 23 бор тўп ўтказиб юборилган.

Тошкентдаги 16 ўйиннинг 14тасида "шерлар" ғалаба қозонган. Рақиб бир ғалаба ҳамда дурангни қайд этган. Сўнгги марта "Машъал" 2007 йил Тошкентда очкога эга чиққан.

Учрашувни Темур Тўхтасинов бошчилигидаги ҳакамлар гуруҳи бошқаради. У чемпионатларда "Пахтакор" иштирокидаги 6 ўйинда ҳакамлик қилган. Жамоамиз ўша беллашувларда 4 ғалаба ва 2 дурангни қайд қилган.

"ПАХТАКОР" - "МАШЪАЛ"

Ҳакамлар: Темур Тўхтасинов (Андижон), Андрей Цапенко (Тошкент вилояти), Андрей Снетков (Тошкент вилояти), Олим Тўйчибоев (Тошкент).

Назоратчи: Александр Попов (Тошкент).

Ёшлар таркиблари тўқнашуви 25 сентябрь, душанба куни соат 15:45да

"Жар" стадиони кичик майдонида бошланади. Асосий жамоалар учрашуви 26 сентябрь, сешанба куни "Пахтакор" стадионида 19:00да старт олади.

Ишқибозлардан жамоамизни стадионга келиб, қўллаб-қувватлашни сўраб қоламиз!