“ПСЖ” клуби бош мураббийи Унаи Эмери “Монпелье”га қарши (0:0) учрашувдан сўнг Франция чемпионатида йўқотилган илк очколарга муносабатини билдирди.

“Рақиб яхши ҳимояланди. “Монпелье” очиқ зоналарни беркитишни ҳам уддасидан чиқди. Биз  ўзимиз истагандек ўйнадик, лекин бу гол уришга камлик қилади. Вазиятлар яратдик бироқ гол уриш муҳим ҳисобланади.

Асосийси гол ўтказиб юбормадик, бироқ вазифа ғалаба қозониш эди. Дуранг – бизни қониқтирмайди. Бу ўйин бизда камчиликлар борлигини кўрсатиб қўйди”, — дейди Эмери.