“Барселона” бош мураббийи Эрнесто Вальверде “Жирона”га қарши учрашув (3:0) дан сўнг ўйин ҳақида ўз фикрларини билдирди.
“Реал” ва “Атлетико” ғалабаларидан кейин футболчилар бироз босимни ҳис этишди. Биз барчасини эпладик. Биринчи ҳисобни очдик кейин йирикроқ ғалабани қўлга киритдик.
Ҳа, Мессига имконият беришмади, уни бир ёки иккита ҳимоячининг қўриқлаб юриши жамоага катта фойда келтиради.
Месси 10-дақиқада ёнимга келиб, “Жирона” таъқибчисидан қандай қутулиш мумкинлигини сўради. Унга ҳотиржам бўлишини айтдим, Лео гол урмаган бўлсада аммо жамоадошларига ёрдам берди.
Луис Суарес? Ундан бугунги ўйинда гол кутгандим ва у гол урди. Луис жисмоний ҳолатини тезроқ тиклаши керак. Унинг рақиб дарвозаси олдидаги ҳаракатларига қойил қолмасликнинг иложи йўқ. Суаресда ўзига бўлган ишонч юқори.
“Барселона” – ҳар қандай вазиятдан чиқиб кета олади. Албатта, қийин вазиятлар ҳам бўлади”, — дейди Вальверде.
