«Ливерпуль» ва Хорватия терма жамоаси ҳимоячиси Деян Ловрен уйини ўғри уриб кетгани ҳақида хабар берди.
Жиноятчилар футболчининг Загребдаги уйидан деярли барча қимматбаҳо буюмларни ўмариб кетган.
«Уйимни ўғри урди. Деярли ҳамма нарсамни олиб кетишибди, мен эса билмай қолибман. Гўё мени ухлатиб қўйишгандек туюляпти. Улар болаларимни ҳам ўғирлаб кетиши мумкин эди. Мен эса ҳеч нарса қилолмасдим. Ҳозир ҳаётимда қийин даврни бошдан кечирмоқдаман. Болаларимни ўғрилаб кетишларидан қўрқяпман», - деди Ловрен Daily Mail хабарида.
