"Ювентус" президенти Андреа Аньелли чипталар савдоси билан боғлиқ қаллоблиги учун жазоланди.
Италия футбол федерацияси суди мулозимни бир йил муддатга футболдан четлатди ва 20 минг евро жаримага тортди. "Ювентус" клуби эса 300 минг евро жарима тўлайдиган бўлди.
Аввалроқ, Аньелли федерация прокуратураси томонидан чипталарнинг савдоси билан боғлиқ фирибгарлик ва олибсотарлар билан тил бириктирганликда айбланган эди. Бу айбловлар судда ўз тасдиғини топди.
Қизиғи шундаки, Аньелли яқинда Европа клублари уюшмаси (ECA) раиси қилиб сайланган эди. Ҳозирча унинг бу лавозимдаги тақдири маълум эмас.
