АПОЭЛ бош мураббийи Гиоргос Донис ЕЧЛ доирасида "Тоттенхэм"га қарши ўйиндан олдин ўз фикрлари билан ўртоқлашди.
"Майдонда иллюзиялар қилишга интилмаймиз. "Тоттенхэм" биздан жуда кучли. Жамоам тўп билан кўпроқ бўлиши ва тартибли ҳаракатланиши, "Реал"га қарши учрашувдан яхшироқ ўйин ўтказишлари керак. Ишонч бундай бахсларда мухим роль ўйнайди", - дейди Донис.
Эслатиб ўтамиз, грециялик мутахассис "Ал Ҳилол" мураббийлигида "Пахтакор"га икки ўйинда мағлуб бўлмаган, Тошкентда 2:2, Саудияда 4:1. Кейинчалик плей офф доирасида унинг жамоаси "Локомотив"га мағлуб бўлган, ўз майдонида 0:0 ҳисоби қайд этилган, Ўзбекистонда "темирйўлчилар" 2:1 ҳисобида ғалабага эришишган.
Янги мавсумда 47 ёшли мураббий АПОЭЛ устозига айланди.
