Франция терма жамоасининг собиқ ҳужумчиси Кристоф Дюгарри ПСЖ яримҳимоячиси Марко Верраттини танқид қилди.
«Бу йигитча янги Иньеста бўлиб етишади деб ўйлагандим. Энди у бундан жуда узоқлашиб кетди. Верратти Иброҳимовичдан сўнг, ПСЖ клубининг етакчисига айланиши керак эди. Аммо бу савияга кўтарила олмади. Балки у "Барселона"нинг қизиқишидан кейин, ўзини осмонга чиқариб қўйгандир...
Бу йигитнинг келажагидан шубҳадаман. У ўз ишига масъулиятни пасайтириб юборди. Балки, ҳар 6 ойда маошининг оширилишига эришаётгани бунга сабабдир» - деди Дюгарри.
