Ашхободда давом этаётган ёпиқ иншоотлардаги Осиё ўйинларида футзал мусобақаси якунига етди. Эркаклар ўртасидаги мусобақа финалида Ўзбекистон ва Эрон терма жамоалари тўқнаш келишди.

Баҳодир Аҳмедов бу ўйинга қизиқ тактикани танлади. Жамоамиз илк сонияларданоқ "бешинчи ўйинчи" тактикасидан фойдалана бошлади. Дарвозабон Акмал Ҳазратқулов ўрнига Артур Юнусов доимий равишда майдонга тушиб, ўйновчи-дарвозабон вазифасини бажариб турди. Аммо бу тактика мутлақо самара бергани йўқ. Аксинча, форслар бундан унумли фойдаланиб, 7:1 ҳисобида ғалаба қозонишди.

Бу ўйида Маҳди Жавид ўз ҳисобига 4та гол ёзган бўлса, Ҳасанзода дублга эришди. Терма жамоамизнинг ягона голига Даврон Чориев муаллифлик қилди.

Шу тариқа, Ўзбекистон футзал терма жамоаси Осиё ўйинларининг кумуш медалини қўлга киритди.

Ёпиқ иншоотлардаги Осиё ўйинлари
Футзал, эркаклар. Финал
ЭРОН - ЎЗБЕКИСТОН - 7:1
Голлар: Маҳди Жавид (4, 9, 32, 36), Ҳасанзода (21, 37), Аҳмадидазож (31) — Даврон Чориев (29)