“Тоттенхэм” клуби ҳужумчиси Харри Кейн англиялик футболчилар орасида фантастик натижага эришди.

Гап шундаки, Кейн АПОЭЛга қарши учрашув (3:0) да хет-трик муаллифига айланди ва ЕЧЛ мусобақасининг кетма-кет тўрт учрашувида (ўтган мавсумни ҳисоблаган ҳолда) гол уриб Стивен Жерард рекордини такрорлади. ЕЧЛ мусобақасида бундай кўрсаткични англиялик футболчилардан фақат Стивен Жерард амалга ошира олган холос.

Эслатиб ўтамиз, Кейн ўтган мавсумги ЕЧЛ мусобақасида “Монако” ва ЦСКА дарвозаларини ишғол қилганди. Жорий мавсумда эса “Боруссия” дарвозасига тўп киритди.

Агар Харри Кейин кейинги турда “Реал” дарвозасига гол кирита олса, англиялик футболчилар орасида мутлоқ рекордчига айланиб олади.