Бугун, 27 сентябрь куни Ўзбекистон футбол федерациясининг янги раҳбарияти билан илк марта матбуот анжумани ташкил қилинди.

Унда ташкилот раҳбари Умид Аҳмаджонов журналистларнинг саволларига жавоб бериб, келгуси режалар билан ўртоқлашди.

"Олдимизда 4та йирик мусобақа кутиб турибди — 2018 йилда Индонезияда ўтадиган Осиё ўйинлари, 2019 йилда БААда Осиё кубоги, 2020 йилда Токиода олимпия ўйинлари ва 2022 йилда Қатарда жаҳон чемпионати ўтказилади. Биз босқичма-босқич ушбу мусобақаларда яхши иштирок этишни мақсад қилганмиз. Бу мусобақаларда нафақат эркаклар, балки аёллар терма жамоаларимизнинг иштирок этиши учун барча шароитни яратиб берамиз" - деди Аҳмаджонов.