"Навбаҳор" Олий лиганинг навбатдаги туридан ўрин олган "Пахтакор"га қарши учрашувга тайёргарликни давом эттирмоқда.

Бугун мураббийлар машғулотларда қатнашаётган футболчилардан икки таркиб ҳосил қилган ҳолда назорат ўйинини ўтказишди. Ҳар бир бўлими 30 дақиқадан иборат бўлган баҳсда сариқ либосда ҳаракат қилган жамоа "кўклар"ни 2:1 ҳисобида мағлуб этди.

Биринчи бўлимда Рўзимбой Аҳмедов икки бор муваффақият қозонди. Дастлаб Аҳмедов дарвозабон қайтарган тўпни тўрга туширган бўлса, иккинчи вазиятда бурчак тўпи амалга оширилгач аниқ зарба йўллади. Неманья Йованович иккинчи бўлимда пенальтини аниқ амалга ошириб, ягона жавоб голига муаллифлик қилди.

Жамоалар таркиби қуйидагича бўлди.
"Сариқлар": Мирзоҳид Маматхонов, Мирзоҳид Ғофуров, Аюбхон Гаппаров, Ҳожиакбар Юнусов, Аббос Отахонов, Дилшод Жабборов, Остон Ўрунов, Аббос Махсталиев, Азизбек Турғунбоев (Аббос Ғуломов), Равшан Хурсанов, Рўзимбой Аҳмедов.
"Кўклар": Дилшод Ҳамроев, Илҳом Бойдедаев, Жаҳонгир Меҳмонов, Юнусбек Абдувоҳидов, Шаҳзод Ҳамидов, Аъзам Алиев, Мурод Ражабов, Саид Абдужабборов, Дониёр Усмонов, Ойбек Қиличев, Неманья Йованович.