ПСЖ бош мураббийи Унаи Эмери ЕЧЛдаги "Бавария"га (3:0) қарши ўйин хусусида тўхталиб ўтди.
"Уч очкони олганимиз жуда яхши бўлди. Ғалабани, гуруҳда етакчилик қилишни хоҳлаган эдик ва буни уддаладик. Рақибдан устунлигимиз ҳамда ўйин сифатимиз борасида мухлисларимиз завқ олишини истагандим.
"Бавария"нинг прессингига мослашиб олдик. Мюнхенликлар тўп ўзларида ушлаб тура олишди, бироқ биз Ареола бошчилигидаги тартибли ҳимоямиз билан бунга жавоб бердик.
Уч нафар ярим ҳимоячимиз катта ҳамдаги ишларни бажаришди, ҳужум учлигимиз эса фантастик ўйинни ўтказишди. Бугун барчаси идеал тарзда ўтди", — дейди Эмери.
