"Манчестер Юнайтед" ярим ҳимоячиси Генрих Мхитарян ЕЧЛ доирасида ЦСКАга (4:1) қарши ўйиндан кейинги фикрлари билан ўртоқлашди.
"Албатта, йирик ҳисобда ютишимизга ишонмагандим. Биринчи бўлимнинг ўзида учта гол урдик ва кейинроқ ҳотиржам ўйнадик. Пенальти? Нима дейишим мумкин? Албатта, қўполлик бор эди.
Трибуналарда арманистон байроғи жуда кўп эди. Мени қўллаб қувватлаган мухлисларга катта ташаккур билдираман. Голим уларга ёқди деб ўйлайман.
Гуруҳдаги барча жамоалардаги каби ЦСКАда ҳали плей оффга чиқиш имкониятлари бор. Битта мағлубият ҳеч нимани ҳал қилмайди. Агарда "Базель" устидан ғалабага эришиб, 6 очкони қўлга киритадиган бўлишса, барчаси яхши бўлади. ЦСКАга омад тилайман", – дейди Мхитарян.
