Испания Ла-лигасининг 7-туридан ўрин олган «Барселона» ва «Лас-Пальмас» учрашуви Каталониянинг ажралиб чиқиши учун ўтказиладиган референдум сабаб 1 октябрдан бошқа муддатга қолдирилиши мумкин эди. Бу ҳақда Sport.es нашри хабар тарқатди.
Манба берган хабарга кўра, тартибни сақлаш ходимлари сиёсий тадбир куни «Камп Ноу»даги хавфсизликни таъминлашга кафолат бера олмаслиги сабабли учрашувни бошқа кунга қолдиришни сўраганди.
Аммо бугун бўлиб ўтган махсус йиғилишда «Барселона» ва «Лас-Пальмас» ўртасидаги учрашувни ўтказиш учун полиция етарлича шароит яратиб беришга ваъда берган.