Ispaniya La-ligasining 7-turidan o‘rin olgan «Barselona» va «Las-Palmas» uchrashuvi Kataloniyaning ajralib chiqishi uchun o‘tkaziladigan referendum sabab 1 oktyabrdan boshqa muddatga qoldirilishi mumkin edi. Bu haqda Sport.es nashri xabar tarqatdi.
Manba bergan xabarga ko‘ra, tartibni saqlash xodimlari siyosiy tadbir kuni «Kamp Nou»dagi xavfsizlikni ta’minlashga kafolat bera olmasligi sababli uchrashuvni boshqa kunga qoldirishni so‘ragandi.
Ammo bugun bo‘lib o‘tgan maxsus yig‘ilishda «Barselona» va «Las-Palmas» o‘rtasidagi uchrashuvni o‘tkazish uchun polisiya yetarlicha sharoit yaratib berishga va’da bergan.
