“Манчестер Сити” клуби бош мураббийи Хосеп Гвардиола Англиядаги келажаки ҳақида фикр билдириб ўтди.

”Инкор қилишим қийин, барча мендан соврин ва натижалар кутмоқда. Барча клуб мураббийлари фақат ғалаба қозониш ҳақида ўйлашади. Агар “Сити” жорий мавсумда соврин юта олмаса, катта талофат кўрган бўламиз.

“Манчестер Сити”да эканлигимдан бахтлиман, лекин мураббийнинг тақдири натижаларга боғлиқ. “Сити” каби етакчи жамоалар мавсумни совринсиз ўтказса, албатта, бунда мураббийни айблашади”, — дейди Гвардиола.

Эслатиб ўтамиз, Гвардиола бошқарувидаги “Манчестер Сити” ўтган мавсум бирорта ҳам соврин юта олмаганди.