"Манчестер Сити" бош мураббийи Хосеп Гвардиола машҳур инглиз футболчиси Гари Линекердан хафа эканини эслаб қолди.

BBC телеканалидаги кўрсатувлардан бирида, "шаҳарликлар" устози Линекерга мурожаат қилиб: "Эсингиздами, "Барселона"да ўйнаб юрганингизда, сизга тўпларни етказиб турардим. У пайти кичкина бола эдим. Эслайсизми? Ҳар сафар сиздан футболка сўрасам, бирор марта бермагансиз" - деди.

Линекер эса: "Ростданми? Бундан афсусдаман. Умуман олганда, у пайтлари футболка бериш расм бўлмаган. Ҳозир сизларга кўплаб футболка тарқатишади. У пайтда мавсум давомида битта футболка кийганмиз" - деб жавоб берди.