Каталония спорт департаменти раҳбари Жерар Фигерас мустақиллик эълон қилинса, "Барселона" тақдири нима бўлиши ҳақида гапирди.
"Агар мустақиллик эълон қилинса, "Барселона", "Жирона" ва "Эспаньол" Италия, Франция ёки Англия лигаларида иштирок этиши мумкин.
Маълумки, Испанияда Андоррага тегишли бўлган футбол ва баскетбол клублари ўйнамоқда. "Монако" Франция чемпионатида иштирок этяпти. Уэльс клублари эса Англия лигаларидан жой олган. Бу борада УЕФА бизга тўсқинлик қилади деб ўйламайман" - деди Фригерас.
Эслатиб ўтамиз, 1 октябрь куни Каталония мустақиллиги бўйича умумхалқ референдуми ўтказилади.
Аввалроқ, Ла Лига раҳбари Хавьер Тебас агар Каталония мустақиллик эълон қилса, "Барселона" Испания чемпионатини тарк этиши ҳақида гапирганди.
