Ўзбекистон миллий терма жамоаси ҳужумчиси ҳисобланган Темурхўжа Абдухолиқов Қатар Юлдузлар Лигаси тўпурарлари жадвалида учинчи бўлиб турибди.
У ортда қолган уч турда 3 та гол уришга муваффақ бўлди.
Ўзбекистонлик футболчи тўп сурадиган «Ас-Сайлия» сўнгги турни сафарда ўтказиб, 5:2 ҳисобида муваффақият қозонди. Абдухолиқов унда тўлиқ ўйнаб, гол уришга эришди.
Ўтган мавсум бу жамоа шарафини Санжар Шоаҳмедов ҳам ҳимоя қилганди. Унинг шартномаси 1,5 йилга мўлжалланган бўлса-да, ярим йилдан сўнг Тошкентга қайтиб келди ва «Локомотив» сафига қўшилди. Кеча Шоаҳмедов «темирйўлчилар» сафида «Обод» дарвозасига гол уришга муваффақ бўлди.
Ўзбекистонлик яна бир футболчи Санжар Турсунов «Ал-Харайтият» сафидаги фаолиятини давом эттирмоқда. Унинг жамоадошлари кетма-кет икки мағлубиятдан кейин дурангга эришди. Турсунов 84-дақиқада алмаштирилди.
Қатар Юлдузлар Лигаси
3-тур беллашувлари
29 сентябрь, жума
«Ал-Маркия» — «Ас-Сайлия» 2:5
Голлар: Вагнер Рибейро, 3 (0:1). Алаин Траоре, 12 (1:1). Драгос Григоре 23, (1:2). Мажди Сиддиқ, 38 (1:3). Темурхўжа Абдухолиқов, 55 (1:4). Валентин Лазар, 85 (1:5). Али Межбел, 88 (2:5).
«Ал-Харайтият» — Ал-Хур» 1:1
Голлар: Тиберканине, 38 (1:0). Мадсон, 90 (1:1).
