“Арсенал”нинг ашаддий мухлиси, косоволик ота иккинчи фарзандига, ўғлига “Арсенал” деб исм қўйди. Чунки у Лондоннинг “Арсенал” клуби мухлиси ҳисобланади.

Қизиғи, бундан уч йил олдин Астрит Дервишайнинг оиласида қиз дунёга келган ва ота унга “Арсенал” жамоаси шарафига “Арсена” деб исм қўйганди. Отанинг фикрича, бундай қилишига сабаб шуки, у фарзандлари “Арсенал”нинг бир қисми бўлишини истайди. Рафиқаси ҳам унинг бу хоҳишига қарши эмас.

Айни пайтда Дервишай учинчи фарзандига ҳам “Арсенал” номи билан боғлиқ бирорта исм қўйишни ният қилган.