“Arsenal”ning ashaddiy muxlisi, kosovolik ota ikkinchi farzandiga, o‘g‘liga “Arsenal” deb ism qo‘ydi. Chunki u Londonning “Arsenal” klubi muxlisi hisoblanadi.

Qizig‘i, bundan uch yil oldin Astrit Dervishayning oilasida qiz dunyoga kelgan va ota unga “Arsenal” jamoasi sharafiga “Arsena” deb ism qo‘ygandi. Otaning fikricha, bunday qilishiga sabab shuki, u farzandlari “Arsenal”ning bir qismi bo‘lishini istaydi. Rafiqasi ham uning bu xohishiga qarshi emas.

Ayni paytda Dervishay uchinchi farzandiga ham “Arsenal” nomi bilan bog‘liq birorta ism qo‘yishni niyat qilgan.