"Барселона" ҳимоячиси Жерар Пике бугун Испания чемпионати доирасида "Лас-Пальмас"га қарши ўйинда майдонга тушишни истамади.
Каталония клуби футболчилари ўйин олдидан учрашувнинг ўтказилиши борасида тушунмовчиликларга учрашди. Кичик машғулотлардан кейин улар кийиниш хонасига йўл олишди.
Якунда ўйин томошабинларсиз ўтказилди. Гап шундаки, Пике жамоасининг асосий таркибида майдонга тушишни истамаганди, лекин жамоасига ёрдам бериш истагида формаларини кийган экан.
Айни дамда Каталонияда мустақиллик референдуми ўтказилмоқда. Полиция ва оддий аҳоли ўртасида катта жанжаллар бўлмоқда. Унда 300га яқин киши хибсга олингани ҳақида маълумотлар бор.
