"Торино" ҳужумчиси ва асосий юлдузи Андреа Белотти "А" Сериянинг 7-турида "Верона"га қарши ўйинда тиззасидан жароҳат олди.
Турин клуби устози Синиша Михайлович журналистларга унинг жароҳати ҳақида аниқ маълумотга эга эмаслигини айтиб ўтди. У айни дамда тиббий кўрикдан ўтмоқда.
23 ёшли футболчи Италия терма жамоасининг яқин орадаги (ЖЧ саралашида Македония (6 октябрь) ва Албания (9 октябрь) термаларига қарши) ўйинларини ўтказиб юборади.
"Торино" ва "Верона" жамоалари ўртасидаги ўйин 2:2 ҳисобида якунланди.