"Реал" клуби ярим ҳимоячиси Гарет Бэйл оёқ тўпиқлари пайларини зарарлаб олган ва айни дамда мадридликларнинг лазаретида бўлиб турибди.
Испания ОАВлари хабарига кўра, унинг жароҳати жиддий эмас ва кутилганидан эртароқ сафга қайтади.
Футболчининг Уэльс термасидаги Грузия ва Ирландия термаларига қарши ўйинларда қатнашмаслиги аниқ бўлиб улгурган. ЕЧЛ доирасида эса "Тоттенхэм"га қарши ўйингача Гаретнинг тузалиб қайтиши кутилмоқда.
Маълумот учун, “Реал” – “Тоттенхэм” ўйини 17 октябрь куни бўлиб ўтади.