Қозоғистон терма жамоаси Руминияга қарши ЖЧ-2018 саралаш баҳсини ўтказиш учун Ўзбекистон ҳаво йўлларига тегишли самолётда ташриф буюрди. Бу самолёт Ўзбекистон байроғи ранглари билан бўялган ва унга "Ўзбекистон" ёзуви туширилган. Бу эса қозоғистонлик мухлисларни бироз ҳайрон қолдирди.
«Қозоғистон авиакомпаниялари узоқ масофаларга чартер рейсни амалга оширмайди. Буни кўпчилик билса керак. Шу боис, Ўзбекистоннинг самолётидан фойдаландик. Ушбу мавзуга кўп эътибор қаратиш керак эмас. Бу одатдаги амалиёт», — дея изоҳ берди Қозоғистон терма жамоаси матбуоти котиби Ербол Каиро.
«Парвоз яхши ўтди. Профессионал экипаж хизмат кўрсатди. Барчамиз соғ-саломат Бухарестга етиб келди. Бунинг ёмон томонини кўрмаяпман. Журналистлар йўқ жойдан янгилик ўйлаб топиши мумкин, аммо мен бунга урғу бермаган бўлардим. Парвоз яхши бўлиши учун экипаж қўлидан келган барча ишни қилди», — деди Қозоғистон терма жамоаси бош мураббийи Александр Бородюк.
