Qozog‘iston terma jamoasi Ruminiyaga qarshi JCH-2018 saralash bahsini o‘tkazish uchun O‘zbekiston havo yo‘llariga tegishli samolyotda tashrif buyurdi. Bu samolyot O‘zbekiston bayrog‘i ranglari bilan bo‘yalgan va unga "O‘zbekiston" yozuvi tushirilgan. Bu esa qozog‘istonlik muxlislarni biroz hayron qoldirdi.
«Qozog‘iston aviakompaniyalari uzoq masofalarga charter reysni amalga oshirmaydi. Buni ko‘pchilik bilsa kerak. Shu bois, O‘zbekistonning samolyotidan foydalandik. Ushbu mavzuga ko‘p e’tibor qaratish kerak emas. Bu odatdagi amaliyot», — deya izoh berdi Qozog‘iston terma jamoasi matbuoti kotibi Yerbol Kairo.
«Parvoz yaxshi o‘tdi. Professional ekipaj xizmat ko‘rsatdi. Barchamiz sog‘-salomat Buxarestga yetib keldi. Buning yomon tomonini ko‘rmayapman. Jurnalistlar yo‘q joydan yangilik o‘ylab topishi mumkin, ammo men bunga urg‘u bermagan bo‘lardim. Parvoz yaxshi bo‘lishi uchun ekipaj qo‘lidan kelgan barcha ishni qildi», — dedi Qozog‘iston terma jamoasi bosh murabbiyi Aleksandr Borodyuk.
