"Атлетико" раҳбарияти Примеранинг 8-туридан ўрин олган "Барселона"га қарши ўйин учун меҳмон мухлисларга чипта сотмасликка қарор қилди.

Sky Sports хабарига кўра, бунинг сабаби сифатида "Ванда Метрополитано" стадионининг меҳмон жамоа мухлислари секторидаги муаммолар айтилган.

Аммо, мамлакатдаги сиёсий вазиятдан келиб чиққан ҳолда, "матрасчилар" каталонияликларни атайин стадионга киритмасликка қарор қилгани тахмин қилинмоқда.

Бу билан улар Испаниянинг ҳудудий яхлитлиги тарафдори эканини билдириш ва меҳмонлар томонидан турли сиёсий шиорларни намойиш қилинишининг олдини олишни мақсад қилган бўлиши мумкин.