"Орландо Сити" жамоаси ярим ҳимоячиси Кака 2009 йилда "Манчестер Сити"га ўтиши керак бўлганини айтиб ўтди.
"Музокаралар узоқ давом этди. Биз трансфернинг барча томонини муҳокама қилдик. "Манчестер Сити"га ўтишга рози бўлгандим.
Уларда ваъда қилинган маош "Милан"никидан кўпроқ эди. Мен ўзимнинг Англиядаги ҳаётим, янги жамоамга кўникиб кетишим, рафиқам ва болаларимга жуда қийин бўлишини тасаввур қилдим. Барчаси миямда айланди. Якунда бир қарорга келдим: ҳозир "Сити"га ўтадиган вақт эмас.
Мен бу жамоада ўйнаб кета олишимга ишонмадим. Бу клубнинг процесси ва иш услуби менга тушунарсиз туюлди.
Мени Европанинг энг омадли жамоаларидан бири ўзига жалб этмоқчи бўлганди, бироқ ўз йўлимдан кетдим", - дейди Кака.
