Туркияда "Барселона" яримҳимоячиси Арда Туронга нисбатан танқид тошлари ёғила бошлади.
Маълумки, терма жамоа ЖЧ-2018 саралашида Исландияга (0:3) йирик ҳисобда ютқазган ва йўлланма учун курашиш имкониятидан маҳрум бўлган эди.
Туркия таркибида 100-ўйинни ўтказган Арда Турон жуда суст ҳаракат қилди ва 60-дақиқада алмаштирилди. Мухлислар уни ҳуштакбозлик билан кузатиб қўйишди. Бунга жавобан футболчи лабида табассум билан майдонни тарк этди.
30 ёшли футболчининг бу қилиғи туркияликларни дарғазаб қилди ва улар терма жамоанинг муваффақиятсизлигида айнан уни айбдор қилмоқда.
