Испания терма жамоаси ўзининг ЖЧ-2018 учун саралаш мусобакасига тайёргарлик ўйинини ўтказганида машғулотни томоша қилгани келган юзлаб мухлислар “Барселона” ҳимоячиси Жерард Пикени кучли босим остида қолдиришди. Футболчи тинмай буюм улоқтираётган ёки ҳақорат қилиб ўтирган фанатлар олдида ўйнашга жами 23 дақиқагина тоб бера олган, холос. Шундан сўнг қўриқчиларнинг ёрдами билан майдондан тарк этган.
Терма жамоанинг ажралмас бўлагига айланиб бўлган, дунёнинг энг кучли ҳимоячиларидан бўлмиш Жерард Пикега мухлисларнинг бундай муомала қилиши сабаби, аслида Испания “Ла лига”сининг еттинчи туридан сўнг футболчининг ўзи берган интервьюга бориб тақалади. Ла лиганинг 7 турида “Барселона” “Лас Пальмас”ни қабул этган, ўйиндан сўнг эса Пике Каталониянинг мустақиллиги билан боғлиқ референдиюм борасида фикрларини билдирган. Жумладан, суҳбатда Пике беихтиёр кўзларига ёш олиб, юртининг мустақиллиги учун лозим бўлса, Испания терма жамоасидаги карьерасига нуқта қўйишга ҳам тайёр эканини айтганди.
